龍門小棧 (已結業)

放左工就约人，食依间餐厅。佢装修同普通茶餐厅差唔多，不过就主要系食上海菜。价钱合理。98蚊一个套餐，包一款小食+主菜+饭/面+饮品。可以拣菜饭或者白饭，唔想食饭的话可以拣阳春面。而且服务好好，仲免收加一。上海小笼包皮厚适中，一咬就有浓浓汤汁，而且又够热。炸银丝卷炸得外脆内软，当然要配合炼奶一齐食。金网窝贴特别在于个底几脆，好似食日式煎饺子咁。不过依个窝贴会有少少汤汁，令到窝贴唔会太干身。外婆狮子头+菜饭餐厅推介，所以就点左嚟试下。果然唔错。肥肉和瘦肉比例刚刚好，所以好有口感。加上个汁，令到个肉更加好食，连带旁边既菜都好食。上海担担面唔会好辣，适合我依d食辣新手。汤汁好香浓，而且面条十分之挂汤，可以一试。甜豆浆可选冷热，豆味香浓。