臺坊 (香江大廈)

营业中

休息中

今日同朋友嚟咗呢一间喺湾仔地铁站附近嘅台湾菜，餐厅位置非常方便，喺地铁站行过去，大概2分钟就到，绝对唔难揾！我哋晚上大概6:00到达，人流都唔算太多，可能因为早嘅关系！今次比较推介嘅嘢食有炸猪扒肉燥饭，由于唔系好肚饿，所以叫咗小饭，费事浪费食物 猪扒炸得非常香脆，非常有台湾嘅味道，咬落去亦都热辣辣，好明显系即叫即做！肉燥亦都做得非常好，同埋饭嘅配搭，简直系一流！我哋呢个餐仲有半只卤水蛋，正！朋友就叫咗花雕鸡翼米线，佢大赞花雕鸡翼，非常入味！仲有三大只咁多！鸡翼嘅味道非常突出，咬落去唔会有雪嘅味道！呢个位做得非常好！配埋啖啖的米线，味道非常配合！米线嘅份量亦都非常多，差啲食唔晒我就拣咗巨峰提子梳打，夏天嚟讲呢一杯嘢消暑，简直一流！非常推介，大家试吓！呢个价钱湾仔嚟讲非常抵食，有机会会返嚟再帮衬 推介俾大家