越．男

营业中

休息中

 一到lunch time，湾仔呢区好多餐厅都要排晒队，见到呢间越．男唔洗排队，而且餐牌啲野食都啱食，就入左去食。价钱黎讲系同区入面算抵食，如果就咁嗌一款主食，$60就埋到单，叫埋小食加饮品就$80。今次嗌左既法包同小食都好唔错，下次有机会想黎试埋佢地既牛肉汤河🤤  1⃣️香茅猪扒法包+越式春卷+越式炼奶咖啡（$80）个法包有惊喜🤩食落好脆身，入面有满满既腌萝卜丝、扎肉、切好一条条既香茅猪扒、肝酱、沙律酱、青瓜、香菜、洋葱。食落清爽得黎够晒丰富🤤香茅猪扒唔干身亦都唔会痴牙👍  小食拣左越式春卷，炸得够脆，入面有啲芋头、猪肉，唔错。  越式炼奶咖啡唔算好甜，咖啡味都算香浓☕️  2⃣️香茅猪扒法包+香蒜牛油鸡翼+椰青水（$80）朋友一样都系嗌左香茅猪扒法包，佢都大赞呢度既法包好有水准😋  另外小食牛油鸡翼炸得好脆既，不过食落冇乜牛油味，同埋油左啲，夹起件鸡翼之后见到个碟上面成层油🤔不过食落其实又唔觉得咁油。  椰青水轻甜解渴，配埋呢啲越式野食啱晒。