黃金燒味 (已結業)

寻日星期六放假就出咗湾仔打算行吓Book Fair，咁去同人迫前就梗系要医饱个肚先！同朋友系轩尼斯道一直行就见到呢间新既烧味店，门面几光鲜又干净咁，反正好耐冇食烧味就决定试试新野。睇个餐牌见佢店面唔算好大但烧味款都好齐，仲要价钱超抵食！😆咁我就叫左个老火汤套餐试埋个汤佢一定要食肥㶶腩叉烧，颜色金黄同普通叉烧差好远。叉烧肥瘦参半，表面涂左厚厚蜜糖，烧完有微微既㶶边。夹起每旧之间见到丝丝蜜糖，食落肉质柔软，油脂好香，加埋㶶边微微既焦香，拍得住名店出品㖞。乳猪烧得非常脆，粉红色既肉，都好正！老火汤好足料!朋友怕肥就叫咗蜜汁叉烧，水准都唔错，唔会太鞋口价钱咁抵有高质烧味，值得一试！