風雲丸 (已結業)

睇完戏成夜晚9点几，行左黎湾仔食拉面，都仲几多人等紧，想食风云丸好耐，依家终于有机会！铺头其实都几细，而位又多，所以感觉都几逼，好在每个位下面都可以摆袋，都仲可以！因为仲饱饱地，所以叫左两个面就算，见其他人叫饺子，个卖相几得意，下次有机会先试！特浓山椒鱼介沾面个人好喜欢鱼介，而沾面又无咁滞咁，所以感觉好好，山椒有少少似胡椒味，辣辣地，我就再叫多左只蛋，总觉得食面要有蛋先完满！但只蛋太熟，蛋黄熟左啰！如果多d京葱就好！而豚肉系ok，有d炭火味，好香！食完可以加水可以饮埋d汤！豚肉鱼介拉面系沾面的变奏版，但有京葱，感觉再完美d，个汤无咁咸，饮落去刚刚好！面质面弹牙！