麺匠 真武咲弥 (已搬遷) 新店位置

今日喺铜锣湾行完街，谂住食下日本野，朋友就推介左喺湾仔春园街既面匠真武咲弞。（唔识点读🤣）间拉面店系细细间既，可以隔住玻璃睇师傅整拉面。佢有三款拉面可以拣，我觉得非常好，对于有选择困难症既我就唔洗谂咁多，可以好轻易就拣到岩食既野。拣完面之后，就可以拣加唔加大或者要唔要其他小食，咁就可以食到一碗好个人化既拉面。炙热味噌拉面🍜呢个拉面汤底好浓郁，啲面既质感亦都唔错。另外，我亦都加左叉烧同溏心蛋，令到成碗面更加丰富。好大旧叉烧啊！至爱既溏心蛋🤤炙热酱油拉面🍜呢碗拉面就无味增拉面咁浓，但同啲面都系好match,亦都好多配料，正！我同朋友亦都点多左个炸章鱼烧🐙，新鲜即整既章鱼烧，热辣辣，好香好好味！