麵心國もと

营业中

休息中

好耐冇食过拉面，揾到呢一间喺湾仔嘅小店小店，有拉面同沾面食，睇真啲先知道原来系日本开过嚟嘅舖头。都有一段时间冇食过沾面，所以就拣咗舖头嘅精选沾面一人套餐。佢有分普通同精选，精选嘅食材同配菜比较多，包括叉烧、鸡肉、紫菜，各3块、糖心蛋、竹笋、京葱、洋葱。精选沾面首先讲面质，佢系偏粗身好烟靭有咬口嘅面，都好挂汤。另外沾面汁，佢比一般嘅稀，入面有晒竹笋、京葱、洋葱同豚肉角粒。沾落去再夹起面条嘅时候，可以同时食到好多配菜，最重要系挂到汁之余食落唔咸。尤其沾紫菜落去点汤嘅时候，好好味。另外两款叉烧都好腍好好食，梅头叉烧比较似切片猪软骨，另外鸡肉面头有啲黑椒，两款都因为慢煮过，所以肉质好腍。舖头仲有得免费加一次面，可惜我睇少咗呢碗面嘅份量，食完一碗已经好饱，但如果男仔嚟食，就可以加了。加钱转咗套餐包一款小食同汽水，小食就正正常常，冇乜特别。虽然我唔系成日去湾仔，但呢一间拉面舖我会想再食，好难得食拉面或者沾面系食完唔口渴，呢一个价钱我觉得CP值都算高，出面有啲拉面舖冇乜配料都$80-90一碗，呢到有6块肉，仲有得免费加一次面，我都几大推。