JOM

营业中

休息中

JOM📍湾仔大王东街7号锐兴楼地下A号舖转咗新环境工作后，同grade嘅同事都好友善，主动约我一齐食lunch。湾仔lunch hour人头涌涌，几乎每一间餐厅都排晒队。好彩我哋早有准备，提早一日book定位，先可以唔使排队就有得食。同事精选咗3间餐厅俾我拣，一间粤菜、一间西餐，最后我拣咗呢间装修简约嘅文青风新加坡餐厅。JOM主打怀旧新加坡菜，提供多款自家制特色酱料，环境的确舒适，而且service几好，食物望落都吸引，但可惜性价比太低，相信未必会回头帮衬。 💰$98海南鸡饭 🐓Hainanese Chicken Rice呢排食得清淡同健康咗，所以无叫到辣死你妈椰浆饭拼炸鸡，选择作比较清新嘅海南鸡饭。一上台嘅时候，而其有少少心知不妙，因为佢嘅份量好细，连我呢啲细胃王都担心食完唔够饱。平心而论，个饭嘅卖相其实唔差，鸡嘅份量都唔算少，但最大问题系佢整体无咩味，主要要靠辣汁、黑豉油同姜蓉调味。自家制嘅酱汁的确系几好食，而且调味适中，唔会死咸死辣，不过如果俾接近$100食啲汁，好似又讲唔通㖞。佢嘅油饭同鸡都无香味，饭量应该得平时嘅一半，鸡肉好滑但多皮下脂肪，而且少少鸡味都无，确实系有少少失望。