Pinot Duck (已結業)

平时喺湾仔食晏，食到都唔知食咩好，今日经过见到开咗一间新嘅铺头，睇佢个名就知道系食鸭，见佢set lunch唔算好贵，就入左去试下我叫左前菜系片皮鸭，main系steak。以为前菜食片皮鸭会好细旧，点知黎到系系包好咗嘅片皮鸭，里面好足料，所有配料一应俱全，片皮鸭除咗皮，亦都有厚厚嘅肉主菜系steak，问过侍应应该无得拣几成熟，不过黎到嘅牛扒都唔错，应该超过五成熟，但都唔会太韧，亦有肉汁。最后加多壶茶，就可以消消滞。不过大家饮呢个茶嘅时候要小心辣手，因为佢系铁壶，餐厅用绳去绑住壶嘅耳仔，但系其实条绳会有少少走位，唔小心掂到就真系会热亲呀！