蘭度小籠包 (已結業)

女朋友超钟意食上海菜，今日经过湾仔兰杜街时刚好发现一间新开嘅上海餐厅，我同女友决定入去试试。餐厅干净企理，装潢普普通通，不过我觉得论上海餐厅，食物质素先系最重要，环境装潢系其次。餐牌上嘅食物分为五大类，包括冷盘、汤类、小菜、饭面同甜品。- 嫩鸡烩面面条有少少烟韧，浸左系汤好耐亦唔会变得太烂，另外有大量小棠菜同鸡肉碎，汤底清甜，完全无味精。- 上海炒年糕年糕加上娃娃菜、白菜、鸡丝同冬菇片一齐炒，年糕有嚼劲唔黏牙，不过有少少油腻感，而且无乜味道，反而白菜、鸡丝同娃娃菜索晒汁几惹味。餐厅额外提供豆瓣酱，年糕味道唔会太寡。- 小笼包（四只）餐厅名字叫兰度小笼包，难道小笼包真系咁出色？从外型上看，四件小笼包size非常接近，外皮薄身唔易穿，汤汁香浓。肉馅份量比较细，所以望落小笼包比较的骰，但都符合「皮薄馅靓」既标准。- 红烧狮子头狮子头肉质有啲松散，不过味道不错，下饭一流。配料仲有荀同娃娃菜，增添爽脆口感。冇话其中一款食物特别深刻，但食物水准中等以上，小笼包可以encore!