Mana Thai Kitchen (已結業)

早几日去完会展睇展览，谂紧想食泰国菜，上网search下，发现喺湾仔酒吧街附近开咗间新嘅泰国菜餐厅，咁就一于去试下啦。烤牛肉沙律牛肉片嘅分量多，可以话系真材实料。沙律少少辣，但同烤牛肉好夹。牛肉片带有肥油，嫩滑得嚟又有牛味，又有一点油香，我个认为依个沙律非常好味。牛肉船面材料非常丰富，牛肉片、牛腩、细牛丸、酥脆炸猪皮，全部都好正。船面深褐色嘅汤底牛味重，仲可以品尝到类似肉骨茶嘅中药味同多款香料嘅味道。汤汁挂哂上弹牙嘅面条，多层次嘅美味，齿颊留香。秘制泰式鸡翼鸡翼炸得相当香脆，而且已到切开成一字骨，食起上嚟好方便。柠檬蒸海鲈鱼鲈鱼size够2-3人食用。除咗青柠、仲有干葱蒜头等调味。鱼只有数条大骨，可以话系啖啖肉。鱼肉嫩滑鲜甜，点埋碟入面嘅汤汁食，更系惹味非常。蝶豆花梳打见到依个紫蓝色，相信大家都知道系蝶豆花。梳打有加入青柠同薄荷叶，有哂味道同埋相。荔枝薄荷梳打荔枝味香，仲配有荔枝肉，饮落清凉冰爽。