水木日本料理 (已結業)

最近喺湾仔开左间日本菜～星期六日行开呢头，经过楼下见menu几吸引，又有lunch set，都几抵食！我哋两个人一人叫咗一个餐，午餐都会跟前菜、茶碗蒸、面豉汤，同埋甜品/咖啡。杂锦鱼生饭 配 迷你乌冬刺身好新鲜，仲有啲贵价食材，例如海胆牡丹虾，而且啖啖饭都食到啲鱼子。乌冬就正常，食埋就一定饱晒😋银鳕鱼西京烧鳕雨煎得好够香，份量亦都唔少，望落唔算好油，不过一食落口充满油脂，值得一试。😍是日甜品系红豆抹茶冻，唔啱食都可以转咖啡。整体进餐体验好好，环境阔落，店员服务态度亦都好友善，大家有时间可以试吓。👍🏼