聰。C Dessert

营业中

休息中

聪嫂就系我屋企楼下，我每次出街经过大部分都间都系排晒队，今晚放工经过见见冇人排队，就入去食个甜品先。其实之前食过佢热嘅糖水，杏仁茶，合桃糊川贝炖雪梨，都好高质素°榴梿水晶珠，杏汁蜜瓜冰，都系足料好好味😋呢次嚟到都见到好多人叫佢嘅镇店之宝龙眼冰，我今日就谂住试呢个°睇过其他人留言嘅食评，系龙眼椰果冰系用60粒龙眼肉雪成冰再加忌廉打成。大概8分钟钟到龙眼椰果冰已送到我面前，面头有两粒龙眼肉，喺面有啲白色一粒粒嘅水晶珠，跟住又白雪雪嘅龙眼冰同埋椰果°试一啖水晶珠就好似一粒爽口嘅西米，龙眼冰啖啖都有龙眼肉，又冰凉又清甜，消暑佳品。如果见到唔多人排队我都一定会走嚟食。