民初家傳食譜 (已結業)

呢个卤水腩肉蛋饭真系不得了！值得我为佢开个Account留个好评！我其实系因为要去文具店先见到有呢一间小店，门口挂住支旗仔写住咕喱茶，我先注意得到佢，听阿姐（老板娘？）介绍个卤水系用自家靓豉油煮，特别香，同潮州卤水唔同嘅，咁我就试吓啦，毕竟靓嘅豉油都唔平。一打开个盒，成条腩肉排到靓靓仔仔，分量又足而且劲香，食落系带有少少甜，同潮州卤水真系唔同，肥膏入口即溶，腩肉又入味，个汁用来捞饭超正！佢哋用金象米，净系要个汁嚟捞白饭食都值回票价啦～湾仔有好多地方都有卤水野卖，但好多都粗制滥造，唯独呢间小店用心制作，我一定会介绍朋友嚟帮衬。