The Corner Coffee

营业中

休息中

喺湾仔行人天桥时成日都见到呢间餐厅，今次终于有机会同朋友去晚餐啦。餐厅位于一楼环境气氛非常休闲舒适。系一间集于The corner，细味公平和喜舍生活既餐厅。门口经过生活百货小店，再到室内座位位置。 蒲烧鳗鱼蛋汉堡，配黑松露薯条日式fusion 汉堡效果出奇地好，首先鳗鱼肉质新鲜爽脆，熟度亦都刚刚好，唔会过老，蒲烧汁甜咸适中，唔会太浓味盖过鳗鱼鲜味，加埋蛋，真系好享受又满足。香葱香菇，寿喜烧汁牛肉盖饭味道绝对唔系单调嘅牛肉盖饭，充满酱油香外，香葱味仲十分之香，真系锦上添花。牛肉份量十分抵食，珍珠米粒粒充满饭香。三重椰香格仔饼配椰子雪糕椰子做主题嘅甜品，味道十分清新，完全做到甜而不漏，格仔饼新鲜整起，充满牛油香味，椰子雪糕，为呢一餐做到一个完美作结。手冲咖啡呢度饮嘅手冲咖啡真系个好专业嘅体验，可以学下点样品评。真系好推荐想学咖啡嘅朋友嚟体验下。橙子冰茶清爽解渴，唔饮咖啡都可以有好选择。