生記飯店

营业中

休息中

虽然前排米芝莲名单好多花生，不过大家都好服生记饭店，最近都专登同屋企人过嚟佢间新店食。我一坐低即刻点样要叫家传手磨生煎莲藕饼，佢哋煎到金黄香脆，带莲藕同鲮鱼嘅香气同味道，食到停唔到口。叫返啲健康嘅菜式balance下，凉瓜菜脯煎蛋，蛋炒到啱啱好，少少滑蛋。虾籽古法扣柚皮，必叫嘅手工菜式，柚皮煮到腍哂又入味，容易入口，配合虾籽真系好滋味。菠萝生炒骨，够哂镬气，生炒骨肥瘦适中，边位炒到有小小脆。招牌古法盐焗鸡，皮脆肉嫩，色泽吸引，就咁食或者配合姜蓉食都咁惹味。姜葱焗生蚝，非常完美嘅最后一道主菜，生蚝够哂肥美，咬落啖啖肉。用咗肥肉同酱汁一齐煲，不论姜葱同生蚝都煮到好香口，我哋食完生蚝之后忍连配料都食哂。饭后当然唔少得餐厅嘅白糖糕做甜品，一味免费送嘅甜品都可以成为餐厅嘅名菜，就知道佢一啲都唔简单。有好似蛋糕一样软绵绵嘅质感，配合香甜嘅味道，令我哋食过返寻味。