影片
更多
2025-01-07
1098 浏览
呢间泰式餐厅最近推出咗身份证号码优惠，有指定数字就可以享有高达75折优惠，幸运嘅我见到呢个咁抵嘅优惠就嚟咗食餐晚饭啦😲原只龙虾金边粉呢个劲有气势，系原只龙虾拆咗肉咁上🦞 龙虾肉几弹牙，龙虾头入面有劲多龙虾膏，真系好正😍 金边粉就有豆干、鸡蛋、樱花虾，侧边仲有花生碎，辣椒干，砂糖，捞埋一齐食更加惹味。仲有三只大虾，整碟好丰富。虽然呢碟系冇身份证优惠，但系都食得好开心😁泰式烧牛肉呢个制作需时，要师傅慢慢烧🐮 牛肉份量都几多，半生熟嘅牛肉好有口感，点埋隔离嘅泰式酱更加美味。干葱蒜蓉猪肉条一碟都几大份，猪肉条炸得香脆，食落口有香茅调味，另外配埋干葱同炸蒜，系几香口嘅🐷飞天炒通菜通菜份量都好多，味道带少少辣，几惹味🥬 椰汁西米糕系泰式嘅经典之味，每次食泰菜都会想嗌返份，西米糕唔算好甜🥰 饮品♦️椰青椰青水劲清甜，望落好新鲜🥥♦️象啤系劲有泰式风味嘅泰国啤酒🍻餐厅仲有推出$1菜式优惠，不过我拣咗身份证号码优惠就冇用到😂呢间餐厅推出咁多优惠，真系好抵食，值得大家多多支持👍🏻
呢间泰式餐厅最近推出咗身份证号码优惠，有指定数字就可以享有高达75折优惠，幸运嘅我见到呢个咁抵嘅优惠就嚟咗食餐晚饭啦😲
原只龙虾金边粉
呢个劲有气势，系原只龙虾拆咗肉咁上🦞 龙虾肉几弹牙，龙虾头入面有劲多龙虾膏，真系好正😍 金边粉就有豆干、鸡蛋、樱花虾，侧边仲有花生碎，辣椒干，砂糖，捞埋一齐食更加惹味。仲有三只大虾，整碟好丰富。虽然呢碟系冇身份证优惠，但系都食得好开心😁
泰式烧牛肉
呢个制作需时，要师傅慢慢烧🐮 牛肉份量都几多，半生熟嘅牛肉好有口感，点埋隔离嘅泰式酱更加美味。
干葱蒜蓉猪肉条
一碟都几大份，猪肉条炸得香脆，食落口有香茅调味，另外配埋干葱同炸蒜，系几香口嘅🐷
飞天炒通菜
通菜份量都好多，味道带少少辣，几惹味🥬
椰汁西米糕
系泰式嘅经典之味，每次食泰菜都会想嗌返份，西米糕唔算好甜🥰
饮品
♦️椰青
椰青水劲清甜，望落好新鲜🥥
♦️象啤
系劲有泰式风味嘅泰国啤酒🍻
餐厅仲有推出$1菜式优惠，不过我拣咗身份证号码优惠就冇用到😂呢间餐厅推出咁多优惠，真系好抵食，值得大家多多支持👍🏻
张贴
