新泰東南亞餐廳 (已結業)

我系一个好钟意食泰国嘢嘅年轻人，平时都有不停揾唔泰式餐厅去试下有冇啲新惊喜，今次就去咗依一间新泰东南亚餐厅食嘢。一入到去座位非常宽敞光线很充足 waiters 全部都系泰国人感觉非常地道 一入到嚟就有置身喺泰国嘅感觉 仲有一点装修真系好靓！然后佢哋就安排左一张卡位俾我哋坐 座位非常宽阔 坐得好舒服。而该店提供嘅食物选择非常多。有辣有唔辣，任君选择。同埋waiter们无时无时无刻亲切嘅笑容 令到食客可以有一个轻松和谐嘅心情享受美食。个人认为蒜蓉炒贵妃苗系最有惊喜嘅菜式之一，非常推荐俾大家试下 普遍嘅泰式嘅炒菜类通常会比较老 咀嚼到咁上下佢会有啲渣 而佢唔同其他炒菜佢食落去系会有爽脆嘅口感，非常新鲜！第二个惊喜就系明炉乌头，汤嘅酸度啱啱好，第二个菜式相当之多配料有葱,草菇等等去辟去乌头本身嘅腥味。用筷子夹起鱼肉时鱼肉相当结实嫩滑非常新鲜，出边嘅泰国餐厅通常乌头嘅鱼鳞清得唔干净，好影响食用时嘅快感，而依到就无依个问题。