影片
更多
2021-08-05
634 浏览
湾仔既Pici 系太古广场3期附近，好近美食小店林立既星/月街。放工百无聊赖行过附近，揾地方开餐见到装修好似几靓，可以静静地对着人流唔多既街食饭，反正一个人就坐低试一次。之前一早知道呢间餐厅嘅主打系佢哋嘅手工意粉，网上嘅评价几高。第一次嚟到先试左佢哋一个主打嘅意粉同叫多个主打甜品试一下。.根据一般嘅高级西餐厅做法，侍应先送上四件小嘅法包做前菜，会有橄榄油同埋醋俾你选择。个法包好贴心用纸袋包住，应该系惊你食唔晒想攞走唔好浪费😁。 我最终净系食咗一旧其他都攞走晒，面包质素正正常常唔算特别好食。.1️⃣Tagliolini Truffle💲180⭐️3.8/5其实成个餐牌都系意大利文嘅菜式名，唯有上网揾图认字🤣🤣🤣 睇吓自己想食啲乜嘢。呢份Tagliolini外观上好似我最近食过另间既手工卡邦尼意粉，呢个系餐厅招牌菜。Tagliolini 即系意大利嘅细扁面，个样其实好似一般嘅意大利粉，唔系上网研究吓都唔会知。意大利面系用左白松露汁🤤，上面有好多黑松露片。个汁唔会太稀或者太杰身，好有油香。上面黑松露片加埋一齐我觉得几好食，口感唔系爽身但都唔错。虽然影相唔靓仔，但味道上我自己觉得啱啱好。如果要挑剔嘅
.
根据一般嘅高级西餐厅做法，侍应先送上四件小嘅法包做前菜，会有橄榄油同埋醋俾你选择。个法包好贴心用纸袋包住，应该系惊你食唔晒想攞走唔好浪费😁。 我最终净系食咗一旧其他都攞走晒，面包质素正正常常唔算特别好食。
.
1️⃣Tagliolini Truffle💲180
⭐️3.8/5
其实成个餐牌都系意大利文嘅菜式名，唯有上网揾图认字🤣🤣🤣 睇吓自己想食啲乜嘢。呢份Tagliolini外观上好似我最近食过另间既手工卡邦尼意粉，呢个系餐厅招牌菜。Tagliolini 即系意大利嘅细扁面，个样其实好似一般嘅意大利粉，唔系上网研究吓都唔会知。意大利面系用左白松露汁🤤，上面有好多黑松露片。个汁唔会太稀或者太杰身，好有油香。上面黑松露片加埋一齐我觉得几好食，口感唔系爽身但都唔错。虽然影相唔靓仔，但味道上我自己觉得啱啱好。如果要挑剔嘅话我觉得个面其实几油下，有少少食到成口油嘅感觉。同埋唔知系咪因为肚饿，我觉得份量唔系好多，食完都唔系话非常饱。😝。
.
2️⃣Tiramisu 💲60
⭐️3.5/5
食完一个意粉唔系好饱，但都冇理由一个人试两个意粉咁夸张。所以叫多一个甜品令到呢餐更加完美。餐厅甜品得两款，选择唔多。唔知系咪因为呢排食咗好多西餐，间间都话自己嘅提拉米苏系最出名🤣🤣，呢间手工意粉餐厅都唔例外。佢地甜品卖相就一般啦，系最正头正路样唔系打卡款，味道都系中规中矩，系最传统嘅味道。
.
总结：我几钟意呢间餐厅嘅环境，基本上系半户外进餐几舒服。服务都好好，不过湾仔呢一个区域通常请全英文侍应，餐单有一大堆完全唔识既意粉名唯有手指指🤣，所以如果有多份半中文Menu我会更加开心。手工意粉质素合格。甜品就一般，应该只系因为太传统已经满足唔到我啦😅。 纯意粉来讲有少少偏贵，到此一游系列。
.
不专业食评 nei.foodie
Tagliolini Truffle
$180
69 浏览
0 赞好
0 留言
46 浏览
0 赞好
0 留言
Tiramisu
$60
50 浏览
0 赞好
0 留言
张贴
