牛霸小麵店 (已結業)

☞ 大家觉唔觉得一间餐厅嘅装修吸引，会令成个用餐体验更加好🤓呢间位于湾仔巷仔，主打台湾菜嘅牛霸小面店，就咁睇装修完全估唔到系卖台湾嘢🤣因为入面装修超型，有好多霓虹灯同复古装修，晚市嚟讲唔算多人，都坐得几舒服～🍴排骨肉燥麻辣干拌面（$70）❖ 我哋拣咗麻辣肉燥干拌面，仲转咗做手打面，佢食落麻麻辣辣咁好惹味，而且份量都好多，推荐重口味嘅朋友试吓😆❖ 另外佢个排骨超大份，肉质都几淋身，调味足够👍🏻🍴蕃茄猪软骨汤面（$68）❖ 一上枱闻到个蕃茄味非常香浓，流晒口水🤤佢个面同麻辣肉燥拌面有少少唔同，呢个偏向阔身啲啲，不过就唔系好烟韧，有几大件猪软骨，呢个价位喺晚市来讲都几抵😙🍴台湾夜市拼盘（$48）❖ 另外仲嗌左个小食拼盘，有花枝丸、盐酥鸡、台湾肠、卤豆腐。全部份量都系比较适合一至两个人share，整体不过不失。🍴暧昧中的鸡翼（$35）❖ 我哋仲嗌左一碟酸辣鸡翼，即系炸鸡翼配上酸辣酱汁，鸡翼都系比较大件𠮶种，正常发挥👌🏻🍴香芋珍珠奶茶（跟餐加$13）🍴荔枝玉露（跟餐加$9）❖ 最尾我哋嗌左两杯嘢饮，系超经典嘅台湾味道啊🤣