影片
更多
2016-09-04
12884 浏览
母亲大人生日, 在下谂住带佢同屋企人饮餐靓茶庆祝一下, 谂过去酒店中菜厅, 但觉得好似冇咩诚意, 所以决定去有 “富豪饭堂” 之美誉既福临门, 净系听过名都够晒劲, 仲要系大刘去开果间 – 湾仔店. 在下知道呢间野坚出名, 所以老早就喺2个星期前订定枱 (事实证明在下做得啱, 因为当日见到大量客人想walk in, 都被知客婉拒).<灾难级安排>订左1点钟, 惯例早到10分钟, 被告之张枱未ready, 不过已经埋紧单, 要我地喺地下大堂等多阵, 虽然冇谂过黎呢啲高级中菜厅都要等位, 不过毕竟系在下早到, ok既~ 但一等就等左25分钟, 者系成1点15分先上去… 明明订左1点钟…唉… 而呢25分钟都算难过了, 要母亲大人山长水远入黎饮茶, 仲要佢等, 感到有少少安排失当同不孝…不过更难过既就系喺等候期间不停有 “熟客” 入黎, 知客直接带佢地上餐厅, 就好似有人去到迪士尼乐园买Fast Pass, 一次过打晒百几人尖. 在下都曾经用过Fast Pass, 所以在下理解的… 人有贵贱之分, 熟客有熟客既待遇, 只不过, 当你喺大堂门口一直无了期咁等待既时候出现一班迟黎先
<灾难级安排>
订左1点钟, 惯例早到10分钟, 被告之张枱未ready, 不过已经埋紧单, 要我地喺地下大堂等多阵, 虽然冇谂过黎呢啲高级中菜厅都要等位, 不过毕竟系在下早到, ok既~ 但一等就等左25分钟, 者系成1点15分先上去… 明明订左1点钟…唉… 而呢25分钟都算难过了, 要母亲大人山长水远入黎饮茶, 仲要佢等, 感到有少少安排失当同不孝…
不过更难过既就系喺等候期间不停有 “熟客” 入黎, 知客直接带佢地上餐厅, 就好似有人去到迪士尼乐园买Fast Pass, 一次过打晒百几人尖. 在下都曾经用过Fast Pass, 所以在下理解的… 人有贵贱之分, 熟客有熟客既待遇, 只不过, 当你喺大堂门口一直无了期咁等待既时候出现一班迟黎先上岸既熟客, 心里就有点不是滋味.
然后等啊等, 终于叫到我地. 上到去被安排坐喺电梯口第一张枱… (好彩既叫系有个玄闗挡一挡, 未致于对正晒个电梯口), 在下称呢个位为 “屁屁位” (斯文叫法…), 同埋好明显呢张枱系见人多临时搭建出黎. 等左25分钟, 满心期待, 最后竟然换黎呢张枱, 唉…天忙我也…
等在下讲解一下呢个位如何 “屁屁” 法: 首先 后面电梯不停有食客出入, 左面收银部信用卡机由在下坐低到离开, 都不停埋单发出吱吱声, 属于极度扰人级别, 而右面系厨房, 每隔一阵就有果啲匙羹倒黎倒去既嘈音, 不过都未到重点...
由于呢个位近齐餐厅门口, 厨房, 收银, 所以有大量侍者喺呢度沟通, 通知边个入黎, 边张枱加𩠌, 边张枱埋单, 在下呢个军事重地都接收得一清二楚… 在下唔敢讲好嘈,但以上四样野不停轮流轰炸, 任何心情雅致都被抹杀了.
被安排坐呢个屁屁位, 在下不能说系餐厅既错. 位, 总要有人坐, 要怪, 就只怪时不与我, 只怪在下唔系熟客...
所谓一不离二, 坐低之后足足等左成分钟都冇人招呼茶水, 冇人俾点心纸, 纯粹干等然后同爸爸妈妈妹妹你眼望我眼, 在下以为我地张枱变左透明. 最后好彩都有位年轻侍者察觉我地被人遗弃左, 拿拿临开番壸茶.
喺高档餐厅遇到咁既待遇在下还是第一次, 𠮶下真系唔识俾反应, 所以喺未点野食之前已经冇晒心情, 不过点都好, 母亲大人生日, 呢啲场面唯有扮冇野方为上策, 无谓搞到大家尴尴尬尬.
晏就黎呢度通常都系叫点心为主, 加埋个炒粉面饭就够食了.
<FOOD>
餐前小食
Price: $20
好似系豆之类既野, 不过在下完全冇印像… (可能呢一刻仲系喺心情极度低落既时候, 咩记忆都冇晒)
蚝皇叉烧包
Price: $65
蚝皇叉烧包
$65
158 浏览
1 赞好
0 留言
菜胆牛肉球
Price: $65
菜胆牛肉球
$65
114 浏览
0 赞好
0 留言
笋尖鲜虾饺 (推荐!)
Price: $75
笋尖鲜虾饺
$75
113 浏览
1 赞好
0 留言
爽滑鲜虾肠
Price: $75
虾肠只虾当然冇问题, 同虾饺只虾一样咁靓~ 肠粉皮似我地喺大埔陈汉记食开果只, 又滑又薄. 不过母亲大人似乎钟情于厚身果啲, 话咁薄既肠粉唔似肠粉.鸡粒荔芋角
Price: $65
鸡粒荔芋角
$65
97 浏览
0 赞好
0 留言
蜜汁烧鳝
Price: $220
蜜汁烧鳝
$220
137 浏览
1 赞好
0 留言
美中不足系滩冻左之后, 底下块皮变韧, 完全咬唔到, 呢道菜都系要趁热食. 讲起烧鳝, 不得不提大尾笃间泰国菜馆忠诚茶座, 佢都有烧鳝, 劲肥劲香不特止, 仲真正做到外脆内软, 相信所有爱鳝之人都无法抗拒.
蟹肉瑶柱蛋白炒饭 (推荐!)
Price: $300
蟹肉瑶柱蛋白炒饭
$300
171 浏览
0 赞好
0 留言
所谓贴地…都要成300蚊, 其实都唔系好贴, 不过其他炒粉面饭都系200几蚊起跳, 变相呢个炒饭好似抵好多, 有蟹肉wor. 收得你3旧水, 佢又真系俾足料, 蟹肉同瑶柱份量十足, 蟹肉唔系用 “一丝丝” 而系用 “一疏疏” 黎形容, 基本上每一口饭都充斥蟹香. 饭亦炒得干身, 一啲都唔油, 同名人坊既富哥炒饭名列在下既排行榜首位.
生磨合桃露 (推荐!)
Price: $50
生磨合桃露
$50
79 浏览
0 赞好
0 留言
蛋白生磨杏仁茶
Price: $55
妹妹则点左杏仁茶, 虽然在下无绿试食, 但听讲味道都不错!
<DRINK>
茶水: 普洱
$20 per person
<OVERALL COMMENTS>
野食野饮COMMENTS
以点心黎讲, 其实呢度既认真唔错, 拍得住出面啲五星酒店中菜厅, 尤其虾饺更加系难逢敌手. 而烧鳝同蟹肉炒饭更属惊喜之作. 曾经帮衬过佢几次午餐同一次夜晚, 所有食物都十分高质!
利申: 食物一栏评分只有33.5... 估计系因为屁屁位影响到心情, 从而影响到味蕾...
题外话: 佢地有个梅香咸鱼蒸肉饼, 索价300几, 系在下有生以黎食过最贵既蒸肉饼, 不过同时系在下食过最好味既! 诚意推介!
服务COMMENT
之前黎果几次, 佢地既服务都好专业同窝心. 不过唔知今日系唔系太多客人既关系, 桃花依旧, 人 “脸” 全非, 当日既细心服务同亲切笑容在下已经见唔到… 或者都有既, 不过限左量, 悉数留俾 “富豪”, “名人”, “熟客”.
环境COMMENT
撇除屁屁位, 真心讲, 呢度既用餐环境的确好唔错, 装修靓, 枱櫈坐得舒服, 枱同枱之间又阔落, 基本上就算坐到满晒都唔会觉得嘈. 冇野衰, 就衰在下张枱真系差到冇朋友.
题外话… 又系在下濑野… 有一张大枱, 佢地有几个细路, 临走时啲细路唔知点解咁兴奋, 一边尖叫一边你追我逐, 而咁啱我地张枱喺正门口, 俾佢地以环回立体高频围攻, 在下真心瞬间崩溃… 而啲细路又唔觉意踢到在下张櫈… 唉…
抵唔抵食?
叫得做富豪饭堂, 当然预左唔会平. 若只论食物质素同埋整体既环境服务, 在下觉得还可以, 价位其实同出面啲中菜厅例如龙景轩, 文华厅差唔多. 不过如果以在下呢餐饭黎讲… sorry, 我真系宁愿冇黎过, 今餐饭撤底破坏晒在下对福临门既美好回忆…
餐饭虽被评为S级 (大海级), 不过呢个S主要系针对成个Dining Experience, 并非话佢野食唔好食, 服务唔好, 或者地方污糟邋遢, 即管当在下果日乌云盖顶, 咁灾难性既用餐体验都俾我们这一家遇到.
富豪饭堂, 人地画公仔都已经画晒出肠, 专门招待富豪, 在下呢种平民百姓走错了地方, 连门面都未睇清楚就贸然走左入去, 变相自取其辱… 谂住妈妈生日, 带佢食好啲, 唉~ spoil左成件事, 钱就俾左, 换黎既就只有失望, 真系赔了夫人又折兵.
人贵自知, “富豪” 两字跟在下仲有一段光年级既距离, 怕且余生都唔会有福气感受到 “熟客” 既待遇, 故此今日一别, 亦是缘灭.
张贴
