影片
更多
2023-10-15
1655 浏览
-贵德宫私房素宴 🥬一向都系食肉兽既我 系朋友既诚意推介下去左呢间位于湾仔既素菜私房菜试试🥬餐厅位置近电车站 好易就揾到上去环境古色古香 每眼枱都有屏风做间隔私隐度高 而家座位空间都好阔落舒适~私房菜特别在于菜单会系厨师预先设计唔洗自己拣食咩 一坐低就可以直接上菜当晚总共食左11道菜 第一次食素菜都觉得几满足呢💚🥬鳗月花卷千色拼盘前菜拼盘内容物非常丰富 分别有：+ 凉拌粉皮 - 用麻酱将珊瑚草 青瓜 柚子 木耳 豆干捞匀+ 荷兰蕃茄配皮蛋 甜甜咸咸的+ 寿司卷 ：卷有腌萝卜 素鳗鱼 口感较为松软🥬翠映芙蓉饺橙色饺子皮系用左甘荀造 包住白菜馅料 配搭西兰花汤 整体颜色鲜艳 系健康既味道~🥬月光宝盒其实系炸芋头 芋蓉入面有素叉烧 + 翠玉瓜粒 + 薄荷碎点上冰梅酱 食落唔会好腻 芋头味最为突出 仲几有口感🥬照烧酿水果椒其实系水果椒入面酿有素红肉(aka 素火腿) 配柚子酱素红肉口感上都真系几似食真肉 食落酸酸甜甜的🥬芝士焗黄金茄子用上泰国茄子 小小圆圆一粒 食落脆口 本身带有微涩味用菇皇酱同咸蛋黄做调味 再淋上芝士黎焗 都几香口🥬花好月圆卖相系好似一粒大汤圆 其实系用水晶皮做既饺子烟韧微
贵德宫私房素宴 🥬
一向都系食肉兽既我 系朋友既诚意推介下
去左呢间位于湾仔既素菜私房菜试试🥬
餐厅位置近电车站 好易就揾到上去
环境古色古香 每眼枱都有屏风做间隔
私隐度高 而家座位空间都好阔落舒适~
私房菜特别在于菜单会系厨师预先设计
唔洗自己拣食咩 一坐低就可以直接上菜
当晚总共食左11道菜 第一次食素菜都觉得几满足呢💚
🥬鳗月花卷千色拼盘
前菜拼盘内容物非常丰富 分别有：
+ 凉拌粉皮 - 用麻酱将珊瑚草 青瓜 柚子 木耳 豆干捞匀
+ 荷兰蕃茄配皮蛋 甜甜咸咸的
+ 寿司卷 ：卷有腌萝卜 素鳗鱼 口感较为松软
🥬翠映芙蓉饺
橙色饺子皮系用左甘荀造 包住白菜馅料
配搭西兰花汤 整体颜色鲜艳 系健康既味道~
🥬月光宝盒
其实系炸芋头 芋蓉入面有素叉烧 + 翠玉瓜粒 + 薄荷碎
点上冰梅酱 食落唔会好腻 芋头味最为突出 仲几有口感
🥬照烧酿水果椒
其实系水果椒入面酿有素红肉(aka 素火腿) 配柚子酱
素红肉口感上都真系几似食真肉 食落酸酸甜甜的
🥬芝士焗黄金茄子
用上泰国茄子 小小圆圆一粒 食落脆口 本身带有微涩味
用菇皇酱同咸蛋黄做调味 再淋上芝士黎焗 都几香口
🥬花好月圆
卖相系好似一粒大汤圆 其实系用水晶皮做既饺子
烟韧微厚既外皮 包住竹笙 小唐菜 鸡脾菇 等等
配搭桂花汁打底 食落清甜汤汁同馅料咸鲜既对比
🥬粉葛牛大力养生汤
个人几中意饮呢个汤 饮得出系好足料 有妈妈既味道
入面有粉葛 牛大力 茶树菇 赤小豆 扁豆 等等
🥬椰香咖喱素杂锦
呢个咖喱系几有惊喜 当中素牛丸最为出色 像真度极高！
配料其实仲有豆卜 菜花 薯仔 素干贝烧 可以配埋法包食
🥬紫萝花锦绣
素食版既咕噜肉 不过就用左面筋代替猪肉
并加入子姜 红椒 荔枝肉 鲜百合 素竹轮 白姜片 做配料
🥬白玉灵菇扒菜苗
估唔到系中式餐厅都会有味噌汤菠菜苗 唔怕过咸/涩味
仲有八灵菇 雪耳 杞子 增添爽脆口感 ~
🥬甜品：合桃露 + 石榴桃粒冻
合桃露明显食到原材料既味道 而且好浓稠
而石榴桃粒冻就一粒啫喱既状态 好清甜~
张贴
