影片
更多
2023-01-06
49 浏览
龙点心地址: 湾仔轩尼诗道216-218号地下A&B号舖 / 观塘观塘道398-402号Eastcore1楼4号舖#yauyau_湾仔呢间餐厅系偶尔喺湾仔行过见到装修几靓，入边啲点心都好精致就行咗入去食，佢整点心好好，值得大家一试再试。🍱🍱一龙大满足 $62 呢一笼嘢有六粒点心，系一啲fusion咗嘅特色嘢，佢有个寿包，虾饺，墨鱼爆汁烧卖，酸菜鱼饺子，菇菌类饺子，仲有粒唔知咩虾饺。佢哋食落都几好味，出乎意料之外，但系我都系钟意食返啲传统啲嘅点心。🍖🥯笑口叉烧包 $32 呢度嘅叉烧包，整得好好，包皮咬落松化，而且唔重奶味，入边嘅叉烧酱唔会剩系得汁，都有唔少切碎嘅叉烧喺入边。叉烧味好浓郁，钟意叉烧包嘅朋友一定要食佢。🥓🍗烧汁肥牛肠粉 $52呢度唔系用绞碎牛肉嚟整肠粉，佢应该系用咗啲靓嘅切片牛肉嚟整，咬落去系好似𠮶啲打边炉和牛级数嘅味道，而且好容易咬断，肠粉拉得好滑，但系又唔会觉得得油，师傅好手势。🍤🍞凤尾虾多士 $56多士同埋个凤尾虾份量好匹配，真系每啖啖面包都有虾肉食到，可以食到好香鲜甜虾味，而佢个面包都整得好好，唔会整到太干，真系做到外脆内软。☕☕茶位 $10/ppl𠮶日我饮咗菊花茶，
地址: 湾仔轩尼诗道216-218号地下A&B号舖 / 观塘观塘道398-402号Eastcore1楼4号舖
#yauyau_湾仔
呢间餐厅系偶尔喺湾仔行过见到装修几靓，入边啲点心都好精致就行咗入去食，佢整点心好好，值得大家一试再试。
🍱🍱一龙大满足 $62
呢一笼嘢有六粒点心，系一啲fusion咗嘅特色嘢，佢有个寿包，虾饺，墨鱼爆汁烧卖，酸菜鱼饺子，菇菌类饺子，仲有粒唔知咩虾饺。佢哋食落都几好味，出乎意料之外，但系我都系钟意食返啲传统啲嘅点心。
🍖🥯笑口叉烧包 $32
呢度嘅叉烧包，整得好好，包皮咬落松化，而且唔重奶味，入边嘅叉烧酱唔会剩系得汁，都有唔少切碎嘅叉烧喺入边。叉烧味好浓郁，钟意叉烧包嘅朋友一定要食佢。
🥓🍗烧汁肥牛肠粉 $52
呢度唔系用绞碎牛肉嚟整肠粉，佢应该系用咗啲靓嘅切片牛肉嚟整，咬落去系好似𠮶啲打边炉和牛级数嘅味道，而且好容易咬断，肠粉拉得好滑，但系又唔会觉得得油，师傅好手势。
🍤🍞凤尾虾多士 $56
多士同埋个凤尾虾份量好匹配，真系每啖啖面包都有虾肉食到，可以食到好香鲜甜虾味，而佢个面包都整得好好，唔会整到太干，真系做到外脆内软。
☕☕茶位 $10/ppl
𠮶日我饮咗菊花茶，饮落去好顺滑个茶叶好靓，呢$10抵俾。
味道: 4.3/5
服务: 4/5
环境: 4/5
番兜: 4/5
#湾仔美食 #美食 #好吃 #instafood #foodstagram #foodphotography #yummy #foodiehk #hkfoodie #foodie #igfood #hongkong #hkfood #湾仔点心 #点心 #dimsum #龙点心 #观塘点心
张贴
