紅城

营业中

休息中

今朝早起身，做完运动之后就喺湾仔揾地方食早餐，最后就决定去红城食个早餐，咁我惯常都钟意食佢哋嘅沙嗲牛肉公仔面，配佢哋嘅多士啦炒蛋同埋饮杯冻奶茶嘅！沙嗲牛肉公仔面面底系有麻油味嘅公仔面啦，咁沙嗲牛肉味都好浓，牛肉够晒味，亦都够嫩滑！多士落左奶油，烘得够哂脆口！炒蛋够哂滑，唔会过熟！最紧要就系我杯冻奶茶，奶味够晒香浓，配合埋个茶底，叹咗个咁嘅早餐真系一流！佢门口都有啲新鲜出炉嘅面包卖㗎，有时我都买返个菠萝包返公司食，今日太饱就唔买啦！