新泰東南亞餐廳 (已搬遷) 新店位置

边个话食泰国菜一定要去九龙城㗎， 湾仔都有好介绍， 姊妹想食泰国菜又系湾仔返工， 近近地系湾仔食啦， 其实「新泰东南亚餐厅」系湾仔有2间， 所以要问清楚先好去呀， 唔系去错就唔好啦。 呢个系卢押道嘅新泰要上2楼㗎， 一入到去就好似置身泰国咁， 大大少少嘅泰国装饰品。 我地2位lady可能早啦，唔算太肚饿， 所以都系点 d 简单嘅菜式嚟食。 首先紧系叫野饮啦。 咸柠檬梳打, 无谂过梳打都系泰国嚟㗎，足足有2杯份量，抵饮又冰冻解渴。 蒜蓉炒贵妃苗， 贵妃苗好幼嫩， 完全冇揸， 炸蒜蓉同生蒜抄到啱啱好， 又唔多油， 仲好翠绿㖭。 椒盐软壳蟹， 椒盐好香口， 软壳蟹好松脆， 抄得好干身。 泰式柚子虾沙律， 酸酸甜甜， 柚子好清新， 大虾鲜鱿份量足又大件， 炸蒜腰果椰肉丝配合柚子真系夹， 开胃之选， 绝对推介。 份量唔少， 连饭都唔使食都已经好饱喇。