祥興記上海生煎包 (譚臣道)

营业中

休息中

嚟湾仔食野选择多，有时唔知食咩好一定谂起食祥兴记既生煎包，葱油面，唔单止有水准，重要系水准稳定。有招牌、鲜虾、黑松露三款生煎包，当中我最爱招牌生煎包，生煎包多汁多肉，皮薄香脆，食时要小心烫口，墙上有提示教你点样食生煎包。葱油面亦都唔好放过，一定要食，面条质地滑口，葱花唔少够香。咖哩牛肉粉丝既肉系牛展嚟，牛展够谂又入味，有几粒豆卜吸下啲咖哩汤超正；另外馄饨都唔可以睇少，皮好滑，只系菜肉馅既菜太碎。不过要注意呢度系自助立食店，食完要自行清理。另外，如果系繁忙时间，就要谂好先买野，人手唔够时仲要等下架。