檀島咖啡餅店 (軒尼詩道)

营业中

休息中

檀岛咖啡饼店系一间怀旧嘅茶餐厅，而家香港呢类怀旧嘅茶记已经买少见少黎到茶记，不得不试一杯港式奶茶，茶味香浓，但又唔会有苦涩味，茶同奶嘅比例啱啱好。酥皮蛋挞，多层嘅酥皮咬落香脆又唔会好油腻，蛋浆滑溜而蛋味浓郁，亦不会过甜。合桃拿破仑，而家已经好少茶记会整拿破仑，因为系好考功夫，所以一见到有即刻试返一件，四层酥皮包住软绵绵嘅蛋糕，蛋糕里面有一粒粒嘅合桃碎，整体口感非常丰富，呢款怀旧糕点好特别，跟而家嘅西式饼店嘅拿破仑截然不同。干炒牛河，够晒镬气，大大片嘅牛肉，食落又唔会好韧，每条河粉都挂满豉油汁，但系唔会过咸，亦唔会太油腻，份量十足，$65超抵食。西炒饭，炒饭足料够镬气👍🏻👍🏻👍🏻