來佬餐館 (已結業)

刚去完湾仔书展，揾间餐厅医肚，见到他的餐牌好有份量，就试一试。 餐厅刚刚有一个11周年的晚市套餐＄328， 分量好多真系好抵食，有六款前菜，汤，主菜，甜品，再加特色饮品。 一开始摆上六款前菜，已经摆满晒张枱，原来只系其中两人份量，侍应好贴心， 我哋4个人食， 摆完2份再2份。 黑毛猪叉烧半肥瘦好淋，一定要试， 虾多士都好有水准， 仲有法国田螺， 见到咁多食物本来唔想食炸薯条，原来薯条的黑松露酱系好好味的，我个朋友抢住食埋我𠮶份。食完六款前菜已经饱咗一大半👍 几款主菜都好好味， 三选一，有乳鸽，西班牙黑毛猪， 牛柳伴鹅肝。 鹅肝好厚身，仲煎得好香。 包咗杯特色饮品，我要咗杯薄荷棷果，朋友就要巨蜂荔枝， 唔系好甜我钟意。 最后是甜品，不是一般的细细件蛋糕仔，而是要好有心机做的 火焰雪山， 点火和买相是重点，大家都好高兴。