高妹廚房

营业中

休息中

有时放工后唔想食正餐，反而会想食啲小食店，呢间位于湾仔嘅高妹厨房正好啱晒我，佢有卖唔同类型嘅小食、糖水、炒面，总有一款啱你食。🔸煎酿三宝 每件都好大件，拣咗尖椒、豆腐、茄子同豆卜，新鲜热辣煎到好香，鲮鱼肉味都好好味，佢跟嘅豉油系甜甜地，点埋黎食更加惹味🔸台式麻辣鸭血豆腐 喺小食店竟然可以食到麻辣鸭血，辣度十足带点麻，豆腐索晒啲麻辣汁，鸭血嫩滑，同麻辣汁绝配！🔸泰式酸辣无骨凤爪 一兜有成六七只，凤爪整得好入味，混合酸、甜、辣嘅味道令人非常开胃！🔸椰汁芋头西米露食饱之后梗系食甜品啦，西米露好足料，芋头切到超大粒，而且西米露煮到刚刚好，保持口感🔸腐竹薏米鸡蛋糖水同样系好足料，有成只鸡蛋，腐竹同薏米都好多，甜度适中，作为饭后甜品啱晒！