影片
更多
2022-02-26
1522 浏览
行完山，过嚟湾仔街市买𩠌，难得出开嚟，当然要食埋晏先返屋企。之前喺庄士敦道呢间「露面手工拌面料理」食过一次，印象唔错，今日就一于再 encore。先嚟一客店员推介嘅镇店蟹皇云吞 ($50)，云吞用猪肉、蟹黄、蟹肉、鲜虾及蟹籽等做馅，只只都包得皮薄馅足，入口丰腴甘香，啖啖鲜味。跟住系一客瑞士鸡翼 ($36)，一碟有 4 只，热辣辣，卤得好入味，鸡皮够爽有弹性，鸡肉嫩滑无渣，瑞士汁又香又甜， 配埋面点头嘅粒粒芝麻，香口惹味。至于主食点就咗轻量鲁肉饭 ($25)、鲜茄牛腩拌面 ($56) 同 一客啖啖鱼肉酸菜鱼($78) 餐。鲁肉以切粒腩肉及酱油等煮成，肉质肥瘦适中，惹味又富油香。卤蛋水准亦唔错，蛋黄粉绵入味。见餐牌写住轻量，初头仲以为会好迷你，原来份量都唔少，十分抵食。另外碗鲜茄牛腩面亦值得畀个 Like，牛腩嘅肉质好松化，牛脂香浓有嚼劲，面条烟韧弹牙，跟开胃嘅鲜茄酱汁同吃，啖啖滋味。酸菜鱼分量亦不欺场，睇下几大碗，内有鲩鱼片、豆芽、酸萝卜同酸菜。汤头浓香够热，辣中带酸。鱼片大大块，滑溜无骨，食落好有满足感；大豆芽很吸汁，好吃。酸菜鱼可选配 Biang Biang 面或白饭，拣咗面身粗壮嘅
行完山，过嚟湾仔街市买𩠌，难得出开嚟，当然要食埋晏先返屋企。之前喺庄士敦道呢间「露面手工拌面料理」食过一次，印象唔错，今日就一于再 encore。
先嚟一客店员推介嘅镇店蟹皇云吞 ($50)，云吞用猪肉、蟹黄、蟹肉、鲜虾及蟹籽等做馅，只只都包得皮薄馅足，入口丰腴甘香，啖啖鲜味。
跟住系一客瑞士鸡翼 ($36)，一碟有 4 只，热辣辣，卤得好入味，鸡皮够爽有弹性，鸡肉嫩滑无渣，瑞士汁又香又甜， 配埋面点头嘅粒粒芝麻，香口惹味。
至于主食点就咗轻量鲁肉饭 ($25)、鲜茄牛腩拌面 ($56) 同 一客啖啖鱼肉酸菜鱼($78) 餐。
鲁肉以切粒腩肉及酱油等煮成，肉质肥瘦适中，惹味又富油香。卤蛋水准亦唔错，蛋黄粉绵入味。见餐牌写住轻量，初头仲以为会好迷你，原来份量都唔少，十分抵食。
另外碗鲜茄牛腩面亦值得畀个 Like，牛腩嘅肉质好松化，牛脂香浓有嚼劲，面条烟韧弹牙，跟开胃嘅鲜茄酱汁同吃，啖啖滋味。
酸菜鱼分量亦不欺场，睇下几大碗，内有鲩鱼片、豆芽、酸萝卜同酸菜。汤头浓香够热，辣中带酸。鱼片大大块，滑溜无骨，食落好有满足感；大豆芽很吸汁，好吃。
酸菜鱼可选配 Biang Biang 面或白饭，拣咗面身粗壮嘅 Biang Biang 面，面质顺滑柔韧，跟酸气扑鼻嘅酸菜鱼一齐食，更添风味。
套餐包一杯指定饮品：菠萝青柠蜜，可选冷热及甜度，入口微甜又带阵阵菠萝香，一点都不酸，而且顺喉好饮，十分清新健康。
张贴
