影片
更多
2021-01-15
5576 浏览
湾仔想揾间有质素啲嘅日本菜都唔系好多选择，呢度就一间楼上寿司店专食omakase（厨师发办），不过omakase郁d都过千银，真系听见都心伤，好彩呢度午市就有好多款套餐，除咗寿司、刺身饭之外仲有d热食，$200-300左右已经有交易，价钱非常亲民，寿司套餐款式真系厨师发办，可以坐系吧台睇住师傅整，omakase嚟讲可以食到呢一个质素真系几抵。特选寿司（包括寿司8贯、茶碗蒸、沙律、卷物、甜品）因为同佢朋友系熟客嘅关系，今日师傅私人醒多一件寿司，9款寿司依次序分别系针鱼、鲷鱼、𫠒红鱼、深海池鱼、𫚕鱼、右口鱼边、赤贝、帆立贝同中拖罗，要留意每次款式都会唔同。本身寿司饭已经有调味，所以完全唔洗点豉油都已经好够味，饭粒唔会松散之余仲保持到粒粒分明有咬口。面头嘅刺身更加唔洗讲，每款都非常新鲜鲜甜，刀工好好，厚薄均匀，而且每一款上面都配上唔同调味，例如姜蓉、柚子蓉、酱油、海胆等。我个人就最钟意右口鱼边同中拖罗，两款都系入口即溶，针鱼同中拖罗上面嘅海胆好鲜味软滑（注意：中拖罗上面嘅海胆原本系无架！），食完满口甘香。餐牌上写住系最后有卷物，不过今日就变咗做乌冬，食完寿司之后师傅会提供少少柚子胡椒，可以食
特选寿司（包括寿司8贯、茶碗蒸、沙律、卷物、甜品）
因为同佢朋友系熟客嘅关系，今日师傅私人醒多一件寿司，9款寿司依次序分别系针鱼、鲷鱼、𫠒红鱼、深海池鱼、𫚕鱼、右口鱼边、赤贝、帆立贝同中拖罗，要留意每次款式都会唔同。本身寿司饭已经有调味，所以完全唔洗点豉油都已经好够味，饭粒唔会松散之余仲保持到粒粒分明有咬口。面头嘅刺身更加唔洗讲，每款都非常新鲜鲜甜，刀工好好，厚薄均匀，而且每一款上面都配上唔同调味，例如姜蓉、柚子蓉、酱油、海胆等。我个人就最钟意右口鱼边同中拖罗，两款都系入口即溶，针鱼同中拖罗上面嘅海胆好鲜味软滑（注意：中拖罗上面嘅海胆原本系无架！），食完满口甘香。
餐牌上写住系最后有卷物，不过今日就变咗做乌冬，食完寿司之后师傅会提供少少柚子胡椒，可以食乌冬时直接加落汤入面，果然只需少少，成个乌冬都充满住柚子胡椒味，好香，乌冬入口滑溜，不过汤底本身略咸，但系食完寿司食返碗热乌冬都好满足。
人均消费：$300
推介指数（10分为满分）：9.5分
张贴
