HOKO Farm (已結業)

湾仔头最近开左间All-Day Breakfast的餐厅，星期五晚唔知食咩好，就由湾仔尾行去湾仔头揾食，真系好脚骨力架姐先上餐包，热热地，加埋牛油半溶系包入面，好香！荔枝梳打，唔算太甜，入面重有两三粒荔枝肉。酸酸甜甜，配肉类食品时都几清爽冻朱古力都算几高质，朱古力味几浓，够哂香。配上面头既奶油，入落口都几滑几香。唔错Burger size够厚身，面包烘得热辣辣。大啡菇劲厚身，而且都几多汁下，口感好软。和牛汉堡都系厚身，好多好多汁，香料味几吊味。炸薯角几香，配上有肉汁的酱汁去食，另有一番风味西冷自动帮我决定左几成熟，上台时大约7-8成熟。肉汁唔算话好多，但系肉质都几松软，咬落口唔会好多筋或者渣，肉味都唔错。西冷部份地方较肥，有D地方较瘦，可以一块西冷食到两种口感，相当唔错！埋单都系每人130蚊左右，以湾地金钟地段黎讲，食呢个晚餐绝对唔贵。