灣仔冰室 (已結業)

星期日在灣仔搵食尤如在中環，無啖好食，今日經過見到呢間開星期日，平時食過下午茶，見晚上有小菜，今日和老友過來試下小菜，果然有鍋氣，葱油雞䓤油撈飯，好香，蒸肉餅好好味剷晒，老友回港喜歡吃栗米魚塊（因為很多地方都做得不脆），考考味，再炒一個青菜，我覺得我未來三日的quota 已爆，飯後店員推介加15元可配自家甜品，我點了一杯奶茶紅豆冰，奶茶配紅豆？問題係我食到好多一粒粒的紅豆而不是蓉，好滿足的一餐，因為真的是小店用心出品，近年去旅遊都喜歡去小店，吃出用心的手勢，買少見少，支持店員姐姐服務也到位，不會十問九唔應，會介紹朋友來