綠摩 (已結業)

餐厅：绿摩地点：湾仔交加里菜式：Pizza餐牌：16款pizza，6款意粉，前菜，小食，汤，沙律，都有多人套餐。真系卡邦尼 9吋 $149帕玛火腿，蘑菇，烟熏蛋见到厨师先烤加左卡邦尼既饼底，然后加上蘑菇粒同一只蛋系中间，再烤，最后先放6片火腿。切开之后只蛋就散开。饼底少少厚，不过都脆。个卡邦尼饼底好香又滑溜，加上蛋汁更惹味，而帕玛火腿都好厚身，咸香十足。工程师日常 9吋 $149秘制奇尊鸡，烤茄子，红洋葱，鳀鱼，番茄酱，意大利马苏里拉芝士 厨师先将大量橙色同米色mozzarella芝士条放底，然后铺上五片鸡胸肉，再铺上五片茄子，中间加上红洋葱丝，鳀鱼碎同更多芝士条。最后就放入焗炉烤。呢个pizza口味好特别，鸡胸肉好嫩口，茄子配鳀鱼好夹，味道带微微辣，都好味道，啖啖都有鸡或者茄子。食落都完全唔会干。总括而言，呢两款pizza味道都好味呀，材料丰富。所有Pizza都有两个size选，呢度连甜pizza都有。所有配料餐牌都有列出，即叫即整。可以系个窗睇住厨师即刻加料整。15分钟左右就有得攞。9吋pizza一开6，size刚刚好。拎上手热辣辣，纸盒够厚身，干净卫生。胶袋$1一个，可以自备呀。