影片
更多
2024-04-17
30 浏览
湾仔真系有好多好嘢食同埋好高质嘅Café，食都食唔晒，期望揾一日可以试吓Café Hopping。平时去开汕头街都系去食猫眼咖喱，今次突然之间想食Café，于是乎就行咗入去，冇谂过食物质素真系出乎意料之外地好。知道间舖头嘅奄列比较出色，不过今次谂住食其他嘢，食完我都觉得好满意。‣ Mixed Berries French Toast with ice cream $73面包咬落去好松化，真系做到外脆内软，就咁食已经觉得好好食。虽然佢嘅口感同平时食开嘅西多士唔同，但正正因为呢个唔同，所以冇平时食有机会食得出嘅油腻感。就算佢有糖浆同埋雪糕，我都唔会觉得佢过分甜，反而正正因为有雪糕，觉得𠮶种甜可以分咗做唔同嘅层次，又热又冻冰火交融𠮶种感觉好正，令我谂返起炸雪糕。‣ Rose Latte $45平时自己有个唔好嘅习惯，就系好钟意饮冻嘢，今次难得想试吓饮热嘅，呢杯真系出乎我意料之外，可以话系我饮过咁多间入边我觉得最香嘅Rose Latte，佢嘅玫瑰味真系超重，但系又唔会因为咁样喧宾夺主，令到个咖啡好失色，相反我觉得佢衬托到咖啡豆嘅香。个拉花拉得好靓，仲有啲玫瑰花瓣喺隔离做装饰，第一啖已经好惊艳我
‣ Mixed Berries French Toast with ice cream $73
面包咬落去好松化，真系做到外脆内软，就咁食已经觉得好好食。虽然佢嘅口感同平时食开嘅西多士唔同，但正正因为呢个唔同，所以冇平时食有机会食得出嘅油腻感。就算佢有糖浆同埋雪糕，我都唔会觉得佢过分甜，反而正正因为有雪糕，觉得𠮶种甜可以分咗做唔同嘅层次，又热又冻冰火交融𠮶种感觉好正，令我谂返起炸雪糕。
‣ Rose Latte $45
平时自己有个唔好嘅习惯，就系好钟意饮冻嘢，今次难得想试吓饮热嘅，呢杯真系出乎我意料之外，可以话系我饮过咁多间入边我觉得最香嘅Rose Latte，佢嘅玫瑰味真系超重，但系又唔会因为咁样喧宾夺主，令到个咖啡好失色，相反我觉得佢衬托到咖啡豆嘅香。个拉花拉得好靓，仲有啲玫瑰花瓣喺隔离做装饰，第一啖已经好惊艳我，绝对值呢个价钱。
#foodbara_diary
张贴
