鳥華亭

营业中

休息中

今次再去湾仔试吓新嘅拉面店，有朋友介绍我嚟呢间鸟华亭，所以今日就嚟试吓。 去到嘅时候夜晚七点左右，都等咗一阵，一入到去，个侍应姐姐好热情，笑容好好，即使等咗阵流晒汗小小躁都即刻平复心情，佢仲同我介绍有咩好食，今餐食得好开心。 特盛鸡白汤拉面 好足料，而且个鸡汤好浓！除咗浓之外仲好好味。佢哋嘅鸡叉烧系好香好嫩嘅鸡肉，感觉应该系慢煮鸡肉，仲好厚而且有好多块。碗面好足料，食到好饱。 辛辣鸡白汤拉面 一上枱就闻到香辣味，入到口feel到佢哋唔系辣粉冲嘅而系真系煲出嚟，而且辣味同鸡汤味都几夹，钟意食辣嘅朋友可以试吓呢个，我就比较prefer佢哋唔辣嘅汤，真系食到原汁原味嘅鸡味。 煎饺子+忌廉蟹肉薯饼 佢哋嘅煎炸物都系即叫即炸嘅，所以上枱嘅时候系新鲜滚热辣，煎饺好脆入口好香，冇话特别油，入面嘅料都几饱满。忌廉蟹肉薯饼入到口食到香浓忌廉味，绝对可以一试。