影片
更多
2023-01-31
202 浏览
LOF10 Bistro📍湾仔告士打道38号中国恒大中心地下A号舖朋友喺金钟返工，有好几次收早都话想同我去佢公司附近嘅餐厅食个下午茶先返屋企。呢个星期一佢放半日，终于都就到时间，去呢间远离人群嘅靓cafe叹下午茶。我哋大概2点左右去到，拣咗放满酒嘅架旁坐低，后来先发现原来酒架后面有个望街景嘅area，不过见坐低咗废事麻烦就无调位。因为我无食早餐，而佢早餐只系食咗水果，我哋都好肚饿，所以一口气拣咗三份早餐，两杯饮品，最后仲追加多一份吐司同一啲小食。佢特别之处系佢早餐嘅餐牌同下午茶系一样嘅，除咗有好多选择之外，价钱亦相对经济，朋友话虽然餐牌睇落好多选择都系普通cafe会见嘅嘢食，但由选材、配搭至摆盘都睇得出餐厅嘅用心，所以我哋一致认为值得俾五粒星！今次食唔到好多人推介嘅all day breakfast同egg benedict，留有少少遗憾，但正正因为咁，我哋又有藉口再过嚟呢度食嘢啦！ 💰$58意式烧鸡班尼尼配薯饼 🐓🥪🥔有食过panini嘅都知好易中伏，整得唔好食嘅会过干过柴，用尽牙力先咬得到。呢度嘅panini虽然烤得干身香脆，但一啲都唔难咬，用刀叉都相对易切！朋友特别欣赏佢哋唔马虎
📍湾仔告士打道38号中国恒大中心地下A号舖
朋友喺金钟返工，有好几次收早都话想同我去佢公司附近嘅餐厅食个下午茶先返屋企。呢个星期一佢放半日，终于都就到时间，去呢间远离人群嘅靓cafe叹下午茶。我哋大概2点左右去到，拣咗放满酒嘅架旁坐低，后来先发现原来酒架后面有个望街景嘅area，不过见坐低咗废事麻烦就无调位。
因为我无食早餐，而佢早餐只系食咗水果，我哋都好肚饿，所以一口气拣咗三份早餐，两杯饮品，最后仲追加多一份吐司同一啲小食。佢特别之处系佢早餐嘅餐牌同下午茶系一样嘅，除咗有好多选择之外，价钱亦相对经济，朋友话虽然餐牌睇落好多选择都系普通cafe会见嘅嘢食，但由选材、配搭至摆盘都睇得出餐厅嘅用心，所以我哋一致认为值得俾五粒星！
今次食唔到好多人推介嘅all day breakfast同egg benedict，留有少少遗憾，但正正因为咁，我哋又有藉口再过嚟呢度食嘢啦！
[价钱 Price]
💰$58
意式烧鸡班尼尼配薯饼 🐓🥪🥔
有食过panini嘅都知好易中伏，整得唔好食嘅会过干过柴，用尽牙力先咬得到。呢度嘅panini虽然烤得干身香脆，但一啲都唔难咬，用刀叉都相对易切！朋友特别欣赏佢哋唔马虎嘅细节，话同其他餐厅随便将啲食材夹落包入面唔同，无论系芝士、蕃茄定鸡肉都完美地融合一齐，唔会有某一种食材抢fo，好好食！加上有薯饼一齐食，非常饱肚！
[价钱 Price]
💰$48
烟三文鱼蛋沙律牛角包配薯饼 🐟🥐🥔
呢款牛角包比起一般嘅长同大，用刀一切就听到佢香脆嘅声音，仲有好香嘅牛油味，净系食佢都已经好满足。佢里面夹咗蛋沙律同几片烟三文鱼，三者味道夹得好好，既有烟三文鱼嘅浓郁，又有蛋沙律嘅清新，我好钟意！食到一半，我仲将块薯饼分半夹咗落去，估唔到呢个食法都几好食㖞！
[价钱 Price]
💰$48
双拼出前一丁公仔面配牛油吐司 🍜🍞
喺cafe食公仔面，你试过未？唔好睇少呢碗公仔面，睇唔睇到佢块餐肉几厚，只蛋煎得几靓？朋友话公仔面人人都识煮，但要煮得好食同有心机摆盘，真系唔系个个做到。佢嘅公仔面唔会过硬或过淋，煮得刚刚好，恰到好处。煎蛋嘅蛋黄系流心嘅，正！个餐仲跟配牛油吐司，真系厚厚一块烤过嘅吐司面包，用料一啲都唔马虎㗎！
[价钱 Price]
💰$42
抹茶红豆吐司 🍵🫘🍞
三款早餐我都好钟意，但最得我欢心嘅系呢款单点嘅吐司。佢嘅抹茶酱涂得好靓好平均，吐司唔会烤得过干过硬，而且红豆甜度适中，无论系当小食定甜品都好适合。
[价钱 Price]
💰$39
法式炖蛋泡沫咖啡 ☕️
朋友最近好忙同好大压力，经常挨夜又无咩精神，所以比以前饮多咗咖啡。难得嚟到cafe，佢想拣一杯有特色啲嘅咖啡叹吓。睇完menu一阵，佢拣咗呢杯crème brûlée macchiato。泡沫上面有一层焦糖，就咁食真系有食crème brûlée嘅感觉，而且macchiato本身嘅苦味比较少，加埋焦糖一齐饮，连我唔太喜欢饮咖啡都觉得好好味！
[价钱 Price]
💰$40
冻鲜奶抹茶 🥛🍵
而我自己就例牌要叫杯matcha latte嚟饮，发现饮得多就会用matcha latte嚟比较边间cafe嘅水准好啲。呢间茶奶嘅比例大概系3：7，抹茶粉好幼滑，饮落无苦涩味同颗粒感。我欣赏佢唔会过甜，既饮到奶嘅香，又饮到抹茶嘅醇。
[价钱 Price]
💰$8
日本煎蛋 🍳
餐厅选用日本鹿儿岛产嘅鸡蛋，除咗大只之外，蛋黄颜色亦较深，食落满满蛋香。
[价钱 Price]
💰$10
薯饼 🥔
我哋亦额外加咗一块薯饼，我将加配嘅煎蛋同薯饼放咗喺半块吐司上面食，用吐司沾上蛋浆同薯饼一齐食，又一新食法！
喺湾仔食过嘢都知，中午食个饭都要大排长龙，价钱仲要唔经济，堂食仲要同人迫添，食饭变咗件辛苦事。而嚟到呢度嘅感觉系完全相反，嘢食好食就不在话下，连环境同服务质素都系无得弹，加上唔洗同人迫，我谂唔到唔去帮衬嘅原因！
张贴
