日熹樓 (已結業)

个日去湾仔揾食，见到有间上楼用熊猫做餐厅公仔嘅京川菜，一出电梯装饰唔似中菜，个酒吧好靓。侍应态度算有礼，都有介绍但好似新嚟咁。叫咗醉鸽 够酒味，肴肉唔识讲都好食，侍应推荐四川龙抄手，味道极好味个汁甜甜、有麻辣味超好食。水煮牛味道够麻够辣，正唔正宗我唔知因为我唔系四川人，咸酸菜配鱼有啲似潮州胡椒猪肚汤，侍应话系传统京川做法，味道好好。最后叫咗佢地极力推荐小笼包汤汁同肉嘅比例好好。生煎包个底煎得脆脆。整体嚟讲算中上，价钱算平-三个人食每人两百几蚊可以接受，可以安哥。