華香雞 (已結業)

位于湾仔嘅马师道，最近新开咗一间食鸡嘅专门店，呢间就系华香鸡。呢度用嘅鸡好讲究，系嚟自华泰农场所养嘅一级靓鸡，完全符合鲜、香、嫩、滑四大标准。而华香鸡呢度除咗鸡肉质素好高之外，仲用咗秘制嘅方法烹制，做到肉滑骨软嘅口感，而佢哋有多款不同口味嘅鸡，而我哋呢次叫咗两款算系最为有名， 分别系用白卤水所烹煮嘅华香鸡，另一款用上乌龙茶叶同埋酱油所熏制嘅茶香鸡。华香鸡用秘制嘅白卤水所浸制，鸡肉好入味，卤水用咗多款药材所制，能令鸡肉嘅鸡味更加突出。茶香鸡用咗乌龙茶同埋秘制酱油所烟熏制成，鸡肉带有阵阵嘅茶香，令人齿颊留香。佢哋除咗鸡之外仲有其他都好好味，好似佢哋嘅白鳝CP值就极高。即叫即蒸，热辣辣出炉上台，鳝嘅口味众多，我呢次拣咗最传统嘅豉汁蒸。白鳝够新鲜，肉质弹牙，豉汁味啱啱好，唔会遮盖鳝本身嘅鲜甜味。佢哋会跟埋一碗白饭，亦可以加钱转黄姜饭或鸡汤河粉或米粉。饮品佢哋会包热饮同埋是日靓汤，冻饮请自行加钱啦。