盈記四季養生麵館

营业中

休息中

周末约朋友去湾仔海滨行下顺便搭船去尖沙咀睇恐龙展，去之前入咗间养生药膳餐厅🍜医饱个肚先！呢度有药膳鸡汤同蕃茄汤，餐牌写住药膳鸡汤用三黄鸡加多种药材熬制四个钟😋识择紧系择药膳鸡汤！🔸药膳农场鸡竹笙银耳养生汤米线雪耳多得有点夸，大方到呢😳 汤底饮到红枣味，味道清甜，尤其竹笙索晒汤特别正👍🏻一碗米线有齐黑木耳、红枣肉、杞子等滋补又补血嘅汤料，劲岩我！鸡髀位肉嫰皮滑！🔸药膳农场鸡厚身花菇养生汤米线朋友呢碗一样咁足料，有鸡髀同大大旧日本花菇，炆到腍身，令到汤底饮落去除左有红枣甜味之外，仲多左菇嘅鲜味！🔸药膳鸡脚鸡脚质地肥厚，唔会一咬就甩皮甩骨，几有嚼口！