新景園咖喱小廚

营业中

休息中

新景园咖哩小厨地址: 湾仔春园街20号地舖#yauyau_湾仔𠮶日中午去到条龙，隔咗两间铺咁长，都等咗半个钟先可以入去食，大家如果喺附近返工可以叫佢哋嘅精选外卖午餐，除咗快之外，价钱系接近半价。🍖🥘咖喱炸猪扒饭 $90呢度最出名就系佢嘅咖喱猪扒，佢嘅猪扒好厚好大块，但系佢系接近冇炸皮，而且猪肉味仲好重，成块猪扒食落去有咬口得嚟又松化，点𠮶啲咖喱汁嚟送饭，就好好味道。佢嘅咖喱系接近港式少少，佢冇落太多辣椒油嚟整，可以见到佢啲香料都几足，好少港式咖喱可以唔用太多辣椒油都有咁辣咁香嘅效果。如果大家带埋女朋友嚟食可以叫小饭，因为佢嘅份量都几多下，会食唔哂。🥘🥘干炒牛河 $82原先谂住叫星洲炒米，但系老板娘话冇晒米粉，所以叫咗呢个。我会讲呢个系一个合格嘅干炒牛河，佢炒完唔算好多油，但系又未到连碟底都冇油，但系佢嘅牛肉俾得好多系接近成碟炒河嘅一半，好足料，对比佢嘅炸猪扒饭，呢一个谂住叫多样嘢嚟试吓先叫啦。唔系太值得特别嚟呢度食佢。🥤🥤冻奶茶 $19讲起值唔值得，呢杯冻奶茶系完全值回票价，佢嘅茶底香浓，个奶香又出到嚟，一啲都唔涩，师傅冲茶撞奶嘅时间完全系大师级嘅水准，嚟到一定要叫，包你一定唔会失望。