一起食堂 (軒尼詩道)

营业中

休息中

✨早几日行完婚展，再约fd 食饭🤣🤣 离开会展顺住天桥行，拣咗拣台式餐厅😻 4个人都好满意餐饭👍👍👍 一定要同大家分享🥰🍽️花雕麻油鸡肉面花雕味好吸引味蕾，色香味俱全。鸡肉用咗扎肉，卷起鸡髀肉，再浸花雕酒，所以系佢入嚟，鸡肉肉质都好嫩滑。🍽️红烧三宝牛肉面我觉得唔系三宝，系三珍宝！每一件都超大嚿，又入味又好食。大大嚿牛腱，软腍有咬口。 大大嚿牛肚同埋牛腩，都超好食。🍽️日式清酒煮蚬乌龙面台湾嘅乌龙面即系乌冬，日式嘅清酒再大有蚬肉嘅清甜，两者非常之夹。蚬嘅份量多，每一只都清甜入味。🍽️黑糖猪软骨饭台式餐厅嘅猪软骨饭都好出众，猪软骨真系超入味，佢呢个特别啲系用咗黑糖，又唔会甜到漏，甜度适中，仲有胶质满满嘅软骨，大大啖食落去超满足。🍽️卤鸡翼一共四只，啱啱好一人一只，鸡翼都算大只，同埋个卤水汁做得几好，洒上葱花做点缀，即刻仪式感满满。🍽️盐酥鸡鸡肉好嫩滑，表皮炸得好香脆，似系喺台湾夜市食嘅盐酥鸡。