六角

营业中

休息中

喺湾仔光明街有间隐世日式居酒屋食午餐，午膳定食午餐高质又好抵食。午餐定食仲会附送沙律，前菜，茶碗蒸，雪糕。小食明太子青椒青椒预先刮走部分椒籽，食落无咁辣又无咁刺激，取而代之嘅就系𫗵入明太子，青椒嘅本身嘅味同明太子嘅鲜味做配搭，好出色。天妇罗粟米饼原粒新鲜粟米做材料，食落粟米嘅甜味更突出，口感爽口又香脆。油炸但食落唔油腻。六角鱼生饭定食估唔到鱼生饭都几抵食，新鲜又多种类嘅鱼生共冶一炉，角切鱼生本身好厚，食落口感好充实而满足，刺身嘅味道配搭都似乎有讲究过，所以味道好平衡，唔会互相过份抢味。吉列猪扒定食猪扒厚薄适中，令到唔会炸嘅火喉太难控制，所以做得几好，刚刚够熟，唔会炸到过老。食落仍然充满肉汁。猪扒表面粉浆唔会过厚影响口感，亦炸得够干身唔油腻。饮品日本益力多乳酸巨峰乳酸梳打呢两杯需要推荐俾唔太可以饮酒嘅人。