龍點心 (軒尼詩道)

营业中

休息中

小编去咗湾仔区做嘢，𠮶度开咗间新嘅点心舖头，所以就入咗去试吓，佢哋嘅点心都几fusion，而且超高质🤭今次就叫咗一龙大满足，口水汁龙脷柳肠粉，鳗鱼荷叶饭，另外佢哋新铺开张，仲送咗甜品添，至于茶方面呢我就拣咗菊普，可以解油腻😌一龙大满足，一次过呢就可以食到六款点心，当中里面有酸菜鱼凤眼饺，蟹粉菠菜香虾饺，松露野菌晶莹饺，咸蛋黄墨鱼烧卖，虾饺同豌豆桃子，小编呢就好钟意酸菜鱼凤眼饺同咸蛋黄墨鱼烧卖，前者食到早酸菜鱼嘅口味，后者呢就食落去中间系有流心蛋黄酱，超特别！口水汁龙脷柳肠粉，小编都系第一次食，呢个配搭真系好正，钟意食辣嘅朋友一定要叫，龙脷柳都超大块，而且唔会系一夹就散𠮶啲，超高质，辣好过瘾🤩鳗鱼荷叶饭，份量都好大，鳗鱼呢都好厚身，至于荷叶饭呢，里面真系好足料，超多鸡肉粒，虾粒喺里面，同我想像中真系有好大出入，小编极力推介🫶🏻最后呢甜品呢都好有中国特色，系驴打滚同紫薯山药糕，味道都不错同好精美！