Café Relay (已結業)

友人喺湾仔做嘢，佢有一日行过大王东街见到有间系条细巷嘅Cafe仔几得意，于是就带埋我去试下间Cafe唔系几大，都坐得几舒服，好识合同朋友饮嘢倾偈。摆设及装修几有心思，气氛令人放松。间 Cafe 几受欢迎，要提前订枱。食饭时见到有好几个人想 walkin  都无位。Lunch Set 几抵食， 百零蚊就有个沙律、餐汤、主菜同埋餐饮。仲唔驶加一。我叫咗个酱烧猪肋骨，朋友就要香煎带子 Pesto 意大利饭。是日餐汤系甘笋汤，酸酸甜甜几开胃。个沙律加咗麻酱。个酱烧猪肋骨好嫩滑，用支叉轻轻力就可以将啲肉同骨分开，个烧烤酱几惹味。 薯条热辣辣好香口。朋友话个意大利饭都唔错，个 Pesto 酱几清新，好似系新鲜做咁。带子就不过不失。我哋两个餐饮都叫咗有机茶嚟消滞。个茶壶同茶杯系一套仲可以叠起，悭位又得意。