中華小館

营业中

休息中

想去试呢间中菜好耐，一行四人6点就订位食晚饭，因为太早关系，未有其他食客，侍应有时间慢慢同我哋介绍同推荐菜式，十分热情殷勤。叫左signature既芝麻烧鸡、是日精选既炆水泼翅、紫砂功夫老火汤、豉汁带子蒸豆腐、干炒牛河、得奖奶油虾，全部都好好食。芝麻鸡外皮加入芝麻，更脆身香口，鸡肉肉质依然嫩滑，但不油腻。老火汤用上瘦肉部分，完全无油份，非常清爽入味。蒸豆腐用上嫩豆腐、配上带子，不减豆腐既清淡，但多分豉汁既美味。奶油虾，虾肉新鲜弹牙、外皮大致炸得干得干脆分离，非常易脱壳，奶油汁底非常挂汁，送饭一流。水泼翅外皮非常厚身爽口，而且用上支竹火腩炆，十分惹味。