Wooo

营业中

休息中

湾仔嘅一间几好坐嘅cafe，一入到去嘅感觉就系好舒服，空间大，够冷气，全店用工业风嘅水泥墙配木枱木凳，cafe中间有两张个人非常心心眼嘅木架sofa。餐牌嘅意粉，小食，甜品都好多同吸引，但因为今次系食饱咗，只系揾个地方坐下饮个啡倾下计，所以只系叫咗一份薯条share食同两杯饮品。炸薯条配黑松露蛋黄酱薯条即炸，面头仲加咗芝士粉同香草，另外配捞咗黑松露嘅蛋黄酱，正常水准。Latte Macchiato自己都几钟意有得拣果香/豆香嘅cafe，今次饮latte marcchiato 拣咗nutty。咖啡嘅面头有层好舒服嘅奶泡，饮落好顺滑。Cafe都有小小室外位比人可以食烟，由于我坐近窗边位，就算闩埋咗都会keep住闻到外面食烟嘅烟味。原本想转位，但个场都几多人，所以就唯有忍受下，如果唔食烟嘅朋友拣位嘅时候就唔好坐近窗边。但除此之外，整体cafe都好舒服，好好坐。落单系scan qr code自助order，然后系app比埋钱，餐具同水都系自助出去拎。佢位置都小小kick，系湾仔同铜锣湾中间，但如果系附近想揾间cafe坐下，可以选择呢到。