影片
更多
2023-06-13
53 浏览
N+ Burger 📍湾仔汕头街32号地舖我朋友喺湾仔返工，佢话同事最近介绍咗一间几受欢迎嘅Farm-to-Burger汉堡店俾佢，想同我一齐试下。睇过menu，发现佢主打牛肉汉堡，虽知道自己唔食牛无缘一试，但我朋友好想我陪佢去，所以最后都趁佢放早嘅呢日去食咗。我哋叫咗一个餐堂食，我自己就叫多咗一个餐打包返去俾我个钟意食牛肉汉堡嘅爸爸食，所以今次可以同大家分享下佢哋两人嘅食后感。值得留意嘅位系佢哋嘅汉堡全部都系由澳洲自家牧场直送嘅100%全天然安格斯牛肉制成，不论薯条、薯角或酱汁都系由厨师自家制，加埋用天然酵母整嘅酸种面包，滋味十足！ 💰$75 (单包) $130 (套餐)N+ Classic Burger 🍔 先同大家讲下我爸爸食嘅外卖套餐，就系呢度嘅classic burger！我帮佢拣咗千岛酱，味道酸酸甜甜，好醒胃。爸爸大赞个包好香好松软，安格斯牛肉肉味鲜甜，而且酸青瓜唔似大型连锁店咁酸到刺喉，系一个几出色嘅burger。至于其他配菜亦唔马虎，有芝士、蕃茄、洋葱圈同green lollorosso，一啖咬落去食到多种新鲜食材，非常抵食！跟餐叫咗薯条，比一般食开嘅薯条粗身，点埋自家
📍湾仔汕头街32号地舖
我朋友喺湾仔返工，佢话同事最近介绍咗一间几受欢迎嘅Farm-to-Burger汉堡店俾佢，想同我一齐试下。睇过menu，发现佢主打牛肉汉堡，虽知道自己唔食牛无缘一试，但我朋友好想我陪佢去，所以最后都趁佢放早嘅呢日去食咗。我哋叫咗一个餐堂食，我自己就叫多咗一个餐打包返去俾我个钟意食牛肉汉堡嘅爸爸食，所以今次可以同大家分享下佢哋两人嘅食后感。
值得留意嘅位系佢哋嘅汉堡全部都系由澳洲自家牧场直送嘅100%全天然安格斯牛肉制成，不论薯条、薯角或酱汁都系由厨师自家制，加埋用天然酵母整嘅酸种面包，滋味十足！
[价钱 Price]
💰$75 (单包) $130 (套餐)
N+ Classic Burger 🍔
先同大家讲下我爸爸食嘅外卖套餐，就系呢度嘅classic burger！我帮佢拣咗千岛酱，味道酸酸甜甜，好醒胃。爸爸大赞个包好香好松软，安格斯牛肉肉味鲜甜，而且酸青瓜唔似大型连锁店咁酸到刺喉，系一个几出色嘅burger。至于其他配菜亦唔马虎，有芝士、蕃茄、洋葱圈同green lollorosso，一啖咬落去食到多种新鲜食材，非常抵食！
跟餐叫咗薯条，比一般食开嘅薯条粗身，点埋自家制嘅honey mustard，话咁快就食晒满满一兜薯条！至于饮品我叫咗杯handmade sparkling lemonade，虽然饮落去偏酸，唔建议单点嚟饮，但配埋汉堡一齐食就可以中和返油腻感。
[价钱 Price]
💰$115 (单包) $170 (套餐)
N+ Limited Truffle Burger 🍔
朋友堂食嘅呢款truffle burger块汉堡，同面包都同classic嘅差唔多，不过佢有加入炒本菇，令个汉堡包更加有层次，再加埋自家制黑松露酱嘅香气，令burger味道升华。特别想提一提佢嘅burger摆到好似艺术品咁，绝对唔系图片只供参考咁嘅样，所见就系所得，呢一点一定要赞！
呢一个餐我哋拣咗薯角，佢比起头先提及嘅薯条更加粗，口感更加好，我自己食过都比较钟意薯角更厚实嘅口感！饮品方面，叫咗sparkling limeade，个人就认为呢只饮品实在太酸，酸到一饮就会变咗IQ博士入面，食咗酸梅干嘅超人咁嘅样。不过钟意饮酸嘢嘅朋友就话越饮越钟意，人人嘅口味都唔一样，大家可以自己试下，睇下啱唔啱你哋嘅口味啦！
张贴
