忌諱

营业中

休息中

又黎到湾仔lunch系列！今次终于终于要介绍哩一间酒吧，湾仔入面其实有好多间吧，但野食质素高既坦白讲，真系唔算多，虽然哩一间酒吧个名好搞笑，叫「忌讳」，听落系有少少怪既，而且入面好似长期冇乜人咁，行过都未必会想入去食，但其实佢有两层，如果你有订枱，职员会安排你上一层，我谂哩一个都系佢地喺疫情下重顶到吓的原因。唔好讲咁多，一于讲野食体验～午市通常会提供几款套餐，包餐汤沙律，主菜，野饮，重有甜品！价钱又唔贵，所以都几抵食。餐厅通常都会有长注菜式，「牛扒」，其余都会因应唔同时间会转，以一间酒吧餐厅黎讲算好有心。咁我平时都系食扒多，今日我同同事就叫左其他野食羊肉串烧配藜麦饭底我拣既野食系羊肉串烧配藜麦饭底，哩间餐厅好间唔时会有羊，而且通常都系羊架，串烧都真系好少见，所以好羊既我即刻拣左。一黎到，见到有五串，已经俾我想像中多，而且羊肉烧到好香，唔会好膻，配返健康既藜麦饭，比起就咁叫个羊架，冇咁油腻。同埋有时只系食羊，返到公司个口都重有劲大阵味，哩个餐食完唔觉，所以值得推荐红酒鸭胸同事叫左个红酒鸭胸，不过哩一个就有啲失望，因为鸭胸外面煎得唔够脆，而入面啲水份就好明显锁得唔够，较落去既口感有少少腍。