火五越式牛肉粉專門店 (其昌樓)

营业中

休息中

夜妈妈想食面又唔想食汤面到成身汗，捞面是无敌。 个脑叮🔔一声出现捞檬一碗，口水都流埋，坐言起行，即刻去食₍₍ (ง •ᴗ• )ว‪ ⁾⁾‬。🇻🇳炸软壳蟹捞檬 $68呀蟹外皮酥脆，非常香口；檬粉爽滑，挂汁一流但略碎，不过有大量萝卜青瓜丝搭救，爽脆又健康，加埋鱼露捞埋就系夏日嘅清新好滋味。ps有得免费多檬（留意返佢本身已经超大碗）🇻🇳法式咖哩猪颈肉捞檬 $58第一次试咖哩捞檬，唔知咩玩法，左望右望碗嘢都唔知法式喺边。好彩啲咖哩汁浓厚，偏甜唔辣，超惹味；猪颈肉肥瘦均匀，份量十足，系略嫌汁唔够多，食到最后有啲干。🇻🇳香茅鸡翼 $22好浓嘅香茅味，鸡翼煎得外脆内软，面头仲有炸洋葱炸蒜头，口感level 🆙。🇻🇳手作大虾米纸卷 $38米纸卷涨卜卜好大嚿，入面有大量粉丝同菜，爽口，点埋酸甜嘅汁就更开胃了。